Александар Јосифовски од Охрид, кој стекна популарност пред неколку години со учеството во „Ѕвезде Гранда“, наскоро ќе ја исполни својата најважна улога во животот – улогата на татко.
Пејачот очекува бебе со својата нова девојка Ана Павиќ, а тоа беше потврдено за порталот на „Гранд“.
Веста за бременоста на неговата избраничка ја потврди извор близок до продукцијата.
– Точно така, Александар Јосифовски ќе стане татко. Време е да се приклучи на нашето друштво на горди татковци – открил неговиот колега низ насмевка.
Да потсетиме, Александар се разведе пред шест месеци, а неодамна и ја претстави својата нова девојка Ана на јавноста.
Нивната љубовна приказна започнала спонтано, а пејачот, како што вели, го освоила со својата веселост, искреност и способност да ја разбере неговата работа и темпо на живот.
– Ни се допаѓа приказната. Ме освои со своето готвење, три пати – рече Јосифовски на шега, алудирајќи на предјадењето, главното јадење и десертот.
– Таа знае да готви, навистина. Ме изненади како да ја барав на оглас – гордо нагласи тој.
Александар Јосифовски се разведе од сопругата Теодора по осум години заеднички живот.
– Вистината е дека решивме да се разведеме и дека секој од нас ќе продолжи со својот живот. Ова се тешки одлуки и не се донесуваат преку ноќ. Уживав во нашиот брак и ѝ посакувам на Теодора сета среќа затоа што таа го заслужува тоа – рече тогаш Александар Јосифовски кој сега започнува одново, со нова партнерка и бебе кое наскоро доаѓа.
фото:instagram printscreen/alexandarjosifovski
