Тоше Проески и Каролина Гочева… Обајцата великанаи на македонската поп естрада. Тој до ден денес најголемиот на сите времиња, таа поп примадона чии песни и музика со годините се повеќе добиваат на значење!
За жал на сите, „најголемиот“ оддамна веќе го нема меѓу нас, а таа за среќа и на опшата радост се’ уште е тука да ни пее, забавува, весели, растажува… во зависност од песната!
Но, тие двајцата своевремено направија еден, единствен дует, балада која стана и остана антологиска… Да буди „Немир“ секогаш кога ќе ја слушнеме. Оние кои го паметат „македонскиот музички ангел“ да ги потсетува на него и некои посреќни времиња, на помладите пак да им буди само љубовен немир, како што кога се појави им будеше на тогашните тинајџ генерации, сега веќе доволно возрасни луѓе, чии деца ги весели некоја друга естрадна генерација во Македонија.
Имено, ар ен би дуото ДНК секако се на врвот на популарноста последниве години во Македонија. Но, освен Панчо и Андреј, концертната екипа ја сочинуваат уште грст музичари и придружни вокали, меѓу кои една од постојаните насекаде со нив е и Сара Пројковска.
Но, штом настапот заврши и концертната завеса се спушти, песната и пеењето сепак тука не запира. Напротив, многу често во автомобилот или комбито се случува „ежење во движење“. Едно такво, проследено со „Немир“ од емоции предизвикаа токму заедно Сара и Панчо со сопствената дует изведба на антологиската балада на Тоше и Каролина.
Тоше и Каролина беа дует од соништата, но овие двајца со изведба на нивната безвременска балада создадоа „дует од спомени“… За „ежење во движење“!
Ако не верувате проследете како звучи кога Сара и Панчо ја пеат „Немир“ во автомобилот на пат кон дома, по еден концертен настап на ДНК…
Фото и видео: Јутјуб принтскрин/Tose & Karolina Performing live – Nemir – Sydney Australia 2000/Фејсбук – DNK/
