Пејачката Тања Савиќ проговори за проширувањето на семејството со Мухамед Муки Бешиќ.
Тања Савиќ моментално ужива во љубовта со 11 години помладиот партнер Муки.
Нивната романса процвета во странство, каде што живеат заедно со децата на Тања и уживаат во семејниот живот. Тања сега отворено ги сподели своите чувства и планови за иднината.
– Скоро година и пол живееме заедно со децата и тоа многу ми се допаѓа. Ги учиме децата на некои вредности на кои нè научија нашите родители и ги учиме да бидат добри луѓе – рече пејачката.
Кога станува збор за проширување на семејството, Тања со насмевка призна дека би сакала да има уште едно дете со Мухамед.
– Секако дека сакам, но не за себе, туку за него, бидејќи не би било фер тоа да му го ускратам и да не му родам дете затоа што навистина се сакаме. Ги прифати моите деца и тоа навистина го ценам и почитувам. Ги запозна и моите родители. И пак велам, не сум совршена личност, можеби понекогаш ми е тешко и велам дека можеби тој е единствениот што би ме трпел. Сигурно не сум совршена, но мислам дека тој е совршен и почнав да го сакам таков каков што е. Му благодарам што ме прифати и што ме сака, и што чувствувам дека некој конечно ме сака и дека можам да го почувствувам тоа. Му верувам и ми ја врати вербата во љубовта – изјави Тања во емисијата „Ѕвездите на Гранд Специјал“.
фото: print Screen/ Instagram
