Лепа Брена доживеа несреќа минатата недела за време на концерт во Загреб кога го скрши скочниот зглоб, по што и беше извршена итна операција.
Лекувањето го продолжи во својот дом на Бежанијска коса, каде семејството е секогаш тука за неа, со што пејачката јавно се пофали.
Соседите на Брена открија детали за неа по несреќата.
– Нашата Брена ги слуша советите на докторот. Откако е на домашно лекување, таа не излегува од дома за што побрзо да закрепне и да се врати во нормала. Повредата не и е воопшто лесна, не е навикната да одмара, но што ќе прави кога треба. Боба и Виктор се постојано околу неа, дојдоа и Александра и Филип, но и нејзините пријатели. Постојано доаѓа достава, испорачуваат некакви кутии, пакети, но и цвеќе. Сите се грижат за Брена и се трудат да ѝ го олеснат овој тежок период. Важно е да не се изгуби духот, затоа семејството постојано ја расположува и ми се чини дека успеваат во тоа. Сите и посакуваме брзо закрепнување – изјавила сосетката.
Друг сосед на Брена изјави дека физиотерапевтите ја посетуваат пејачката секој ден.
– Повредата на Брена не е наивна, закрепнувањето ќе трае два-три месеци, а таа сака да застане на нозе за 15 дена. Рано е. Затоа семејството и таа ги ангажирале најдобрите физиотерапевти од Белград, кои веќе неколку дена секојдневно и доаѓаат дома. Го гледам возилото од таа клиника постојано паркирано таму пред нејзината куќа. Ја подготвуваат и вежбаат со неа, за што побрзо да ја вратат таа нога во нормала и повторно да функционира нормално – изјави соговорникот за Ало.рс
На своите следбеници на Инстаграм им се обрати и самата Брена, кога откри дека по итната операција во Загреб се чувствува одлично, а за неа се грижат членовите на нејзиното семејство, како што потврдија нејзините соседи.
– Ви благодариме за сета поддршка и љубов. Ви благодарам за сите пораки и подароци што ги добивам секојдневно. Се чувствувам одлично. Одмарам, се опоравувам, сите во куќата ме галат и ме чуваат… А јас и мојот тим работиме напорно да ви подготвиме нешто уште подобро. Значи… подгответе се. Шоуто мора да продолжи. Се гледаме на 31.12. Вашата Брена ве сака – напиша една од нашите најголеми музички ѕвезди со песната „The show must go on“ на легендарните „Квин“.
фото:Instagram printscreen/ lepabrenaa
