Легендарниот Стинг поради лоша здравствена состојба одложи два концерта и неговото појавување на наградите на магазинот Bass.
Како што пренесуваат странските медиуми, настапите биле откажани по препорака на неговиот лекар. Во врска со ова, 73-годишниот пејач го откажа настапот на доделувањето на магазинот Bass, кое требаше да се одржи во четврток, каде што требаше да добие награда за животно дело.
Тој, исто така, ги одложи настапите во Феникс (Аризона) и Витленд (Калифорнија), кои требаше да се одржат до крајот на јануари.
Неговиот портпарол ја потврди оваа информација на социјалните мрежи и им порача на обожавателите да ги задржат оригиналните билети бидејќи ќе важат за новите датуми.
-Стинг искрено се извинува за секоја предизвикана непријатност и е благодарен за разбирањето на фановите, стои во дел од објавата на социјалните мрежи.
Неговите обожаватели му посакаа брзо закрепнување и се надеваат дека музичарот наскоро ќе им се врати на настапите.
фото:Instagram printscreen/
