Познатата струмичка инфлуенсерка и сопственичка на своја лукс- модна линија „MITROFF“, Љупка Митрова, прејде на следно, повисоко ниво на љубовен план.
Љупка по вторпат кажа „да“, а на нејзината рака блесна свршенички прстен со масивен скапоцен камен за кој таа се пофали на социјалните мрежи.
Според приложеното, романтичниот чин на запросување се случил во Рим- Италија каде Љупка и нејзиниот сакан Ѓорѓи отпатуваа непосредно откако таа во интимна домашна атмосфера со ќерките го прослави својот 38-ми роденден.
Дека во љубовта и оди се’ како што треба, таа постојано покажуваше и докажуваше, па евидентно и транспарентно беше дека на љубовно поле и цветаат ружи откако неодамна го покажа партнерот и прослави една година од романсата кога беа на Малдиви.
Веќе на следното патување за Денот на вљубените, Љупка си доби и луксузен подарок од саканиот, и тоа не било каков, туку автомобил од марката „Порше Кајман“ со кој тогаш се пофали.
Јасно беше дека намерите и врската се сериозни, а беше и само прашање на време кога гупалчињата ќе се скрасат и ќе падне брачна понуда.
Среќно вљубената трендсетерка иако зад себе има еден пробаднат брак, а и неуспех со следните избори потоа, таа не се откажа од тоа да го направи својот сон јаве и да го најде својот принц, кој веруваме дека овој пат е вистинскиот.
Инаку, Љупка од првиот брак има две ќерки кои се нејзината најголема гордост и среќа.
фото:Instagram printscreen/ ljupka_mitrova
