Познатиот фолк пејач и ТВ водител Спасен Силјановски пред неколку дена се соочи со кардиолошки здраствен проблем, а за се’ тоа преку своите профили на социјалните мрежи ги извести своите следбеници и поддржувачи.
Спасен пред, а и по интервенцијата објасни дека оперативниот зафат поминал во најдобар ред, а тој се чувствува добро, па дури е подготвен за неколку дена да се врати на работа со микрофонот во раце.
-Само да ве поздравам од овој болнички кревет, инаку јас сум супер. За оние што не знаат, а ме прашуваат – мала интервенција на срцето која што не е опасна, рутинска интервенција, сега е во ред, уште подобар сум, се чувствувам одлично. И затоа да ви најавам дека на 8-ми март се гледаме во Радовиш. Овој болнички кревет не е соодветен за најава на нешто посебно спектакуларно, но ќе го искористам да најавам една огромна турнеја во Австралија во април со мојот млад колега Методија Столески и „Престиж бенд“. Фала Ви на сите за поддршката, се гледаме здрави и живи, порача Спасен.
Со оптимизам и позитивна енергија човек победува се’ – ова беше мотото на Силјановски кој со нова енергија и подобро здравје оди напред кон новите секојдневни животни предизвици.
фото:Facebook/ Spasen Siljanovski
