Невидена трагедија ја погоди Македонија откако во Кочани избувна пожар во клубот „Пулс“ во кој загинаа 59 лица, меѓу кои и познати музичари кои настапуваа на 16 ти Март.
За оваа трагедија се изјаснија бројни јавни личности од регионот кои изразија сочувство до семејствата на жртвите и упатувајќи зборови на поддршка за народот во Македонија. Меѓу нив е и Емина Јаховиќ, која не ја криеше тагата и шокираноста од несреќата.
– Драги мои луѓе, толку ми е тешко и силно ме потресе трагедијата во Македонија. Дури 24 часа подоцна ме погоди реалноста, останав без зборови и вкочанета. Се чувствувам како да сонувам и чекам некој да ме разбуди. Скршена сум“, напиша пејачката на својот Инстаграм профил.
Таа, исто така, изрази сочувство до семејствата на жртвите:
– Нека почиваат во мир сите жртви, а Господ да им даде сила на нивните семејства да ја издржат оваа голгота. Длабоко сочувствувам и се молам за сите нив“, рече Јаховиќ.
фото: print Screen/Instagram
