Познатиот српски композитор Горан Ратковиќ Рале, кој е и момче на пејачкатаАна Николиќ, во интервју за „Full Screen Media“ отворено проговори за своите почетоци, соработките со поп ѕвездите и предизвиците со кои се соочил во музичката индустрија.
Тој откри и за што најмногу жали кога ќе се наврати на својата долга кариера. Рале, споменатото момче на Ана Николиќ, во интересен разговор спонтано откри дека е во контакт со Саша Поповиќ и какви се неговите прогнози.
– Од 96-та кога заминавме во Гранд да работиме, до 2005-та беше добро, тие девет години. Имаше многу работа. Можеби ми е жал што работев премногу брзо, па немав време да размислувам за музиката. Сакав да направам нешто подобро и поинакво, побрзо да сменам некои работи во музиката отколку слепо да ја следам матрицата – искрено призна Рале.
Во разговорот тој се осврна и на интензивното темпо на работа под водство на Саша Поповиќ, нагласувајќи колку добро се функционирало под притисок.
– Но, така е кога работиш со Сале, тој е… Кај него е: „Зошто тоа не беше направено вчера? Како веќе не е готово?“ Како, брате? Го знаеш ова? Секогаш давајте, давајте, давајте и сето тоа под притисок од некого – се присети композиторот.
Сепак, и покрај сите предизвици, Рале и понатаму одржува контакт со Поповиќ и верува во неговата сила.
– Да, да, да, се слушаме со него. Сале е борец, Сале ќе се избори. Сигурен сум, бидејќи, знаете, тој е сила – заврши Ратковиќ.
Интервјуто откри една помалку позната страна на композиторот, неговиот поглед на минатото и неговата соработка со највлијателните луѓе на српската музичка сцена, потврдувајќи дека естрадата отсекогаш бил динамична, но и непредвидлива арена.
фото:Printscreen Amidži šou/ You Tube/ zvezde granda
