Трагедијата што се случи во Кочани по страшниот пожар кој избувна за време на настап на групата „ДНК“ на 16 – ти март ги остави сите во тага.
Неутешен е и македонскиот шоумен Игор Џамбазов кој беше пријател со починатите членови на бендот каде меѓу трагично загинатите е и пејачот Андреј Ѓорѓиески.
Игор јавно се прости од пејачот со емотивни зборови за кои едвај денес собра сила да ги напише и сподели.
„Пријателе…
Немам зборови.
Не можам ниту да говорам, ниту да пишувам.
Уште помалку да пеам.
Онемев.
Ослепев.
Оглувев.
Оглупавев.
Снеможев.
Андрејчук, малкумина има како тебе.
Ти беше од таа специјална сорта. Добри луѓе. Посебни луѓе што би се жртвувале секогаш, за секого, и во секоја прилика.
И кога ќе се видиме горе, ќе си го завршиме муабетот што го почнавме на новогодишната ноќ, кога заедно настапувавме пред среќната публика. Таа, публиката, никогаш нема да те заборави. Јас уште помалку…
Сонувај спокојно…“.
View this post on Instagram
Македонскиот актер, шоумен и естраден уметник не ја заборави и Сара Пројковска, придружен вокал на бендот и вонреден професор на ФМУ, која исто така го загуби животот во страшната трагедија.
View this post on Instagram
„Имаше очи што зборуваат.
На земја те соборуваат.
А под нив една насмевка вредна вечност.
Сарке мила, ќе те паметам дур дишам…“ – споделил Џамбазов во прошталниот пост покрај заедничката фотографија со Сара.
фото: printscreen/instagram/igordzambazov
