Пејачката Милица Тодоровиќ пред камерите на тамошните медиуми откри како изгледа нејзиниот живот по породувањето, како ги усогласува деловните обврски со грижата за синот, но и како се справува со коментарите од јавноста.
Милица истакна дека помошта ѝ е неопходна за да успее да ги заврши сите дневни обврски.
– Имам помош, не би можела без помош. Во спротивно не би стигнувала ниту овде, ниту на тренинг, ниту во студио… Тоа е тешко.
Таа откри и како изгледала нејзината подготовка за еден настан со мало бебе дома.
– Бебето спиеше, па не можев убаво да гледам по плакарот што имам од работите. Така што – да, ми треба повеќе време за подготвување бидејќи се трудам да не го разбудам.
Милица брзо се врати на работните обврски и во форма по породувањето, истакнувајќи дека нејзината работа бара целосна посветеност:
– Мојата работа не простува и многу е тешко да се бориш со хормоните и постпородилниот период. Се породив пред седум месеци и си велам: „Мицо, ти мораш, тоа е твојата работа“. Морам да признаам дека е голем предизвик, но оваа среќа што ја имам дома е неизмерна и сето тоа го брише.
Пејачката потоа откри дали сега се осврнува на коментарите од јавноста што ги добива по породувањето.
– Повеќе не ги читам коментарите, сè прочитав во овие седум месеци. Тоа повеќе не ме погодува, дури ги отвoрав и насловите за да видам што сум направила ново тој ден.
foto: printscreen/instagram/milicatodorovic
