Влажноста, замаглените огледала и мувлосаните мириси се чести проблеми во бањата, особено во постудените месеци.
Едноставен трик што можете да го пробате не бара скапи подготовки, туку само една состојка што повеќето луѓе ја имаат во својата кујна – крупна сол.
Солта има способност да привлекува влага од воздухот, па затоа можете да ја истурите во плиток стаклен или керамички сад и да го оставите на место каде што пареата се задржува најдолго. Доволно е околу 200 до 300 грама крупна сол, распоредена во што е можно поширок слој. За попријатен мирис, можете да додадете неколку каранфилчиња или неколку капки етерично масло.
Кога солта ќе почне да се навлажнува, да се згрутчува и да формира грутки, заменете ја со нова сол. Сепак, важно е да знаете дека овој трик може да биде само мала помош со вишокот влага, а не решение за сериозна влага или мувла.
Најважно е редовно да се проветрува бањата. По туширањето, отворете прозорец или вклучете вентилатор за да излезе пареата. Ако мувлата постојано се враќа, ѕидовите остануваат влажни или гипсот се лупи, треба да се пронајде и отстрани вистинската причина за проблемот.
фото:Freepik
извор:попара.мк
