Минатата година, поп-пејачката Симона Поповска на Макфест ја раскажа својата приказна за ослободување од психолошкото насилство со песната “Бакни ме за крај”. Симболот на фениксот беше метафора за обновата и повторниот подем, прикажувајќи како, по болката и патењето, доаѓа моментот на нов почеток и силата да се издигнеш над се.
Оваа година, Симона го продолжува патувањето со песната со наслов “Без тебе” која гоприкажува следниот чекор – не само ослободувањето, туку и соочувањето со сопствените
сенки и постигнувањето на внатрешна хармонија и самоприфаќање .
„Минатата година го славев моментот на ослободување, каде што мојата песна ја отсликуваше силата да летнам високо, над болката. Оваа година сакав да го покажам патот кој следуваше после тоа – кога треба да се помириме со сенките кои ги носиме со себе и да најдеме мир во нашата душа,“ вели Симона.
Придружена со магични сценски и визуелни ефекти, Симона вели дека е и повеќе од задоволна за својот настап.
„Вечерта стоејќи на сцената, се чуствував како да сум дел од универзумот – обвиена со светлина и енергија, во опкружување што пулсираше заедно со секој стих”.
Автор на музиката и аражманот на оваа поп-балада е Кирил Зарлинов (Ерик Фокс), а додека пак текстот го напиша Робин Зимбаков.
Музичкиот спот е сниман во театарот во Велес, во режија на Крсте Шупев, каде пејачката се појавува во црн комплет од проѕирна тантела, со ѓердан од бисери, комбинација во која сексапилната Симона ќе ве омами и маѓепса.
Но на сцената, таа блесна во бел фустан со длабок шлиц и Сваровски кристали во креација на нашиот, а светски ЈЗЈ – Златко Јовановски, кој симболизира светлина, чистота, надеж, целосно помирување и внатрешна хармонија. Додека пак за фризурата и шминката се погрижи Даниел Николовски.
Оваа трансформација покажува дека после летот на фениксот, доаѓа моментот на вистински мир и спокој.
Како изгледа и звучи баладата „Без тебе“ на Симона Поповска аудио-визуелно спакувана во видеоспот за истата проследете во продолжение:
