Македонската музика периодов го доживува својот подем, а еден од најдобрите примери за тоа се двете нови песни кои младиот и талентиран изведувач Young Dadi неодамна ги промовираше пред домашната публика.
Првата песна, со наслов „Сребрени крилја“, е снимена во соработка со српската пејачка Natalie Balmix и македонската поп ѕвезда Мартија Станојковиќ, создавајќи уникатен музички спој кој ги воодушеви слушателите.
Втората песна, „Харам“, претставува дует со познатата македонска пејачка Барбара Поповиќ кој веќе ја освојува регионалната публика.
Интересен факт е дека автор на двете песни е познатиот македонски композитор и продуцент Дарко Димитров, чија работа уште еднаш ја потврдува неговата репутација на музички гениј. Дополнително, двете песни се снимени во рамките на српската продукција IDJ, која веќе долго време е синоним за квалитетна музика во регионот.
Со овие нови хитови, Young Dadi ја подигна македонската музичка сцена на едно повисоко ниво, покажувајќи дека домашните уметници можат да се натпреваруваат со најдобрите во регионот и пошироко.
