По шестмесечна пауза, Милица Тодоровиќ се врати на својата прва љубов, музиката.
Пејачката вчера го одржа својот прв настап по породувањето, со што и официјално ја продолжи својата естрадна кариера по периодот кој целосно ѝ го посвети на семејството.
Од моментот кога на свет го донесе синот Богдан, Милица најголемиот дел од времето го поминуваше со наследникот, не криејќи дека мајчинството ѝ стана најважната животна улога. Сепак, таа одлучи да најде баланс меѓу приватниот живот и деловните обврски, па за ова лето веќе договори низа настапи.
За време на бременоста таа се повлече од јавноста и престојуваше во родниот Крушевац, каде што уживаше во друштво на најблиските. По породувањето се врати во Белград, а голема помош околу бебето ѝ пружи нејзината мајка, која ѝ беше поткрепа во првите месеци од мајчинството.
Пејачката неодамна призна дека сè уште ѝ е неверојатно тоа што станала мајка и дека сè уште не е целосно свесна колку ѝ се променил животот.
„Малку е чудно, не знам тоа да го објаснам. Мислам дека сè уште не сум сосема свесна дека станав мама. Но, кога ќе ме погледне и ќе ми се насмевне, срцето ми е полно“ – искрена беше Милица.
Публиката го дочека нејзиното враќање на сцената со големо воодушевување, а нема сомнеж дека во текот на летото таа повторно ќе биде една од најбараните пејачки на српската естрада.
фото:Instagram printscreen/milicatodorovicofficial
