Пејачот Љуба Перуќица и неговата сопруга, водителката Катарина Колозеус, открија детали од приватниот живот, како се запознале, а тој проговори и за врската со Александра Пријовиќ, признавајќи пред сопругата дека се кае што ја изневерил поранешната.
Едно од најзабележителните прашања во емисијата „Амиџи шоу“ му беше упатено на Љуба Перуќица, а се однесуваше на неговото минато и поранешната девојка Александра Пријовиќ. На прашањето дали е вистина дека ја изневерил Пријовиќ, пејачот одговори искрено.
„Да, ја изневерив, имав 23 години. Се покајав, кај мене нема скриени карти, се случи тоа, бев млад и луд. Кога имав 23, 24 години, бев несериозен, а сега имам 37“, признал Љуба.
Неговата сопруга Катарина Колозеус веднаш се надоврзала на неговата изјава и му упатила неочекувана забелешка во студиото:
„Сега е чесен до првата можност“.
„Каде смеам да ја лажам, веднаш би настрадал!“
Љуба проговори и за односот со сопругата, откривајќи дали некогаш ја лаже.
„Каде смеам да ја лажам, веднаш би настрадал. Таа е Шкорпија, не смеам да ја лажам. Неодамна ѝ беше роденден, па ѝ купив чанта“, открил пејачот.
„Дојдов со стомаче, а таа сакаше издепилирани мажи со стомачни мускули“
Двојката се присетила и на почетоците на врската, а Љуба на духовит начин опишал како успеал да ја освои водителката.
„Пред мене таа беше со фудбалери – издепилирани, згодни, со извајани стомачни мускули, а јас дојдов со стомаче, целосно спротивно од она што таа го сака. И токму за мене се омажи. Има една поговорка што ја кажуваат постарите жени: чувај се од оние што те засмејуваат. Се смееш, се смееш, и оп – гола си“, раскажа тој.
Катарина на тоа додала:
„Тој навистина вреди, не го велам тоа само затоа што ми е сопруг. Имав повеќе среќа отколку памет кога го запознав“.
Водителката открила и дека пред Љуба не сакала да биде во врска со пејачи.
„Воопшто не. Особено додека работев, бев категорична дека не би била со пејач, бидејќи тоа носи проблеми“, признала Катарина.
Катарина одговарала и на прашања од следбениците на Инстаграм, па открила дали му го проверува телефонот на сопругот и која негова навика најмногу ја нервира.
„Навистина не го проверувам. Немам потреба од тоа сè додека не се посомневам во него. Кога ќе видам дека нешто крие, богами, ќе му го проверам телефонот“, рекла Катарина.
Потоа открила и што најмногу ја нервира кај него:
„Лежи по цел ден, само се преместува од едно место на друго… Секаде го носи телефонот со себе, не може без него да дише, па затоа и не можам да му го проверам“.
foto: printscreen/tv pink/ aleksandra_priijovic
