Пејачката Зорана Павиќ гостуваше во емисија во која одговараше на прашањата на своите следбеници на Инстаграм. Притоа, откри неколку интересни детали од приватниот и професионалниот живот.
Таа зборуваше за колешка која своевремено ѝ уништила еден проект, за непријатното искуство за време на турнејата во Австралија, како и за односот со актерот Банe Видаковиќ.
Едно од прашањата се однесуваше на колешката за која претходно изјавила дека ѝ направила проблем и ѝ го расипала деловниот проект. Сепак, Зорана не сакаше да открие за кого станува збор, објаснувајќи дека конфликтот одамна е зад нив и дека одлучила да прости.
– Еднаш кажа дека колешка ти уништила еден проект. Можеш ли да ни откриеш за која колешка станува збор? – гласеше прашањето од Инстаграм.
– Јас ѝ простив, а со оглед на тоа што ѝ простив и што таа ми се извини по многу, многу години, мислам дека е грдо да откривам за кого станува збор. Тогаш ѝ цртав крстозбори, па ѝ цртав и мустаќи, за да го исфрлам целиот бес. Многу сум среќна. Треба да се простува заради себе, заради сопствениот мир, но поминаа многу години – изјави пејачката.
Особено внимание привлече прашањето за настан од деведесеттите години, кога, според нејзините зборови, се нашла во многу непријатна и опасна ситуација за време на настап во Австралија. Зорана потврди дека тогаш имала сериозни здравствени проблеми откако, како што тврди, некој им ставил нешто во пијалакот.
– Дали е точно дека во деведесеттите години, додека пееше на настап, се обиделе да те отрујат? – гласеше прашањето од Инстаграм.
– Да… Бевме на турнеја во Австралија. Некој ни стави нешто во пијалакот и едвај ја преживеав таа ноќ. Имав халуцинации и слично. Не знам дали сакаа да ме отрујат или да ме придобијат за соработка – изјави Зорана Павиќ.
Пејачката се осврна и на долгогодишните шпекулации за наводната љубовна врска со актерот Банe Видаковиќ. Зорана објасни дека меѓу нив немало класична емотивна врска, туку посебен однос, кој самиот актер своевремено го опишал како нежно пријателство.
– Едно време се зборуваше дека си била со Банe Видаковиќ. Дали е тоа вистина? – гласеше прашањето од Инстаграм.
– Тоа не беше врска. Тој убаво го нарече – нежно пријателство. И навистина беше нежно пријателство. Во Шведска ја изведувавме таа претстава, а бидејќи тој прв излегува на сцената и треба да ме најави, почна да пее: „Лесно ти е тебе, затоа што ме имаш мене“ – раскажа пејачката.
foto: printscreen/instgaram/tv pink
