Манекенката и основачка на брендот Rhode, Хејли Бибер (29), на Инстаграм сподели дел од своето провокативно издание за Ноќта на вештерките, со кое повторно го привлече вниманието на своите многубројни следбеници.
За оваа пригода, Хејли избра бел градник украсен со крзно и пердуви, ангелски крилја и ореол, кои ги комбинираше со исклучително кратки црни шорцеви и бела кошула.
„Ти благодарам, октомври“, напиша Хејли покрај објавата, иако само неколку дена претходно веќе ги воодушеви обожавателите со својата нова кампања.
Својот ангелски костим манекенката го усогласи со сопругот Џастин Бибер, кој за Ноќта на вештерките реши да се маскира во ѓавол.
Познатиот пејач носеше широка црвена облека, црвени очила и црвена капа со рогови, со што совршено се вклопи во необичната комбинација со својата сопруга.
Двојката заедно позираше на пет фотографии што Џастин ги објави на Инстаграм. На дел од нив позираа пред сценографија со облаци и сино небо, дополнително нагласувајќи го контрастот меѓу ангелот и ѓаволот.
Инаку, минатата година целото семејство Бибер одлучи да ги усогласи костимите за Ноќта на вештерките и да се претстави како ликови од популарниот анимиран филм „Неверојатните“ (The Incredibles).
Хејли тогаш се трансформираше во Еластигрл, додека Џастин беше Господин Неверојатен, а нивниот двегодишен син Џек Блу ја доби улогата на бебето Џек-Џек.
Сите тројца носеа препознатливи црвено-црни суперхеројски костими и црни маски преку очите, привлекувајќи големо внимание на социјалните мрежи.
Фото: instagram / haileybieber
