Музичката ѕвезда Сека Алексиќ го привлече комплетното внимание на медиумите на промоцијата на својот нов албум, каде се појави во извонредно провокативно и моќно модно издание.
Албумот веднаш влезе во регионалниот музички трендинг, а пејачката пред новинарите отворено проговори за најважните приватни и професионални теми.
Сека не крие дека нејзиното семејство е на прво место и најави желба за проширување на семејството. „Сакам уште две деца, навистина сонувам за едно мало девојче“, призна таа.
Сепак, најголем интерес предизвика нејзиниот коментар за односите со помладата колешка Теа Таировиќ, потврдувајќи ги гласините дека меѓу нив постои одредена дистанца.
На прашањето зошто Теа ја нема на настанот, Сека кратко и остро одговори: „Таа едноставно не е поканета на мојата промоција“.
фото:instagram printscreen/seka_aleksic
