Пејачката Неда Украден вчера го прослави својот 76. роденден, а по тој повод семејството и пријателите ѝ приредиле посебно изненадување на луксузна јахта.
Неда веќе извесно време одмора со семејството во својата куќа во Лепетани, а вчера организирала прослава на јахтата на нејзиниот пријател Иван Вајс, по повод нејзиниот 76. роденден.
Славеничката пристигнала на јахтата во раскошен црвен фустан, со шешир и бисерна огрлица, а вечерната прослава ја отворила со здравица и чаша шампањ.
„Од срце ви благодарам на сите за прекрасните роденденски честитки. Мојот пријател Иван Вајс ми приреди големо роденденско изненадување, така што на својата јахта го собра моето семејство и пријателите. Ова навистина е величествена вечер“, порача Неда.
На јахтата се собрале членовите на нејзиното семејство и пријателите, а за добрата атмосфера бил задолжен нејзиниот зет Пеца, кој со музиката ја довел забавата до вжештување.
View this post on Instagram
Неда во текот на вечерта ја променила и модната комбинација, па се појавила во раскошен црно-бел фустан.
Посебен момент настапил кога гостите ѝ ја запеале роденденската песна. Неда потоа ги дувала свеќичките на дури две торти, а насмевките и доброто расположение не изостанале.
