Калиопи во „Ништо лично“: Ромео ми рече ти мене ме игнорираш, ама еден ден ќе седиме на оваа иста клупа и ти ќе носиш моја бурма… и по една година седевме на истата клупа со бурми на рацете“

Таа  важи за  убедливо најмоќниот и најдобар  женски вокал  на денешницата во поп музиката во Македонија, а веројатно и многу пошироко, во регионот… Со блескава кариера која трае повеќе од 4 децении, бројни хитови, мноштво албуми и концерти, и една и единствена харзима.

Македонската пејачка  која е можеби и единствената која е способна да направи солистички концерти  во регионот, надвор од Македонија и тоа во најголемите регионални центри како Белград и Загреб, еднакво носејќи се со популарноста и на најголемите регионални музички ѕвезди.

Во нејзиниот свет на “Дари дари дам“ ништо не е „Црно и бело“, зашто таа оддамна покажала дека светот умее да го обои во најубавите бои со музички ноти кои го растреперуваат срцето и ја милуваат душата.

Вонсериските гласовни способности но и дарбата суверено да владе нсо сцената ја прават концерно неприкосновена, а вокално толку супериорна, што другите не можат ниту одблизу да и се приближат. Но не само нејзината професионална страна, туку и онаа моќ која како исклучително харизматична личност ја носи во себе ја прават лик кој долго владее и ќе владее со својата кариера во естрадниот шоу бизнис.

Нејзината приватно-професионална спојка со бившиот сопруг, но вечен пријател и се чини доживотен соработник ја прават уште посилна и посамоуеверена, па со секоја нивна нова заедничка песна, се’ повеќе се потврдува дека се една душа , која сепак мора да живее во две тела. Толку различни, а толку блиски.

За почетоците и сегашноста во брилијантната кариера која трае, за песните, инспирацијата, публиката, наградите, за фаталната приватно – професионална привлечност со нејзиниот некогашен сопруг Ромео Грил, нејзин актуелен композитор и продуцент, за незините најголеми доблести и слабости, за 10-те години минати во Швајцарија и синот Пако, за потеклото и семејството,  за последниот голем концерт во Скопје и претстојните во регионот, за Евровизија и нејзината музичка мисија… И за уште стои една работа  македонската музичка поп дива Калиопи „ја отвори душата“ во интер ток шоуто „Ништо лично“ на гости кај  Антонио Димитриевски.

Ако сте ја гледале премиерата која оди секоја СРЕДА, во 20 часот на  YouTube каналот на КурирМК (@Kurir.podcast), овој поткаст сигурно ќе го гледате барем уште најмалку еднаш. Но доколку сте ја пропуштиле, погледнете го интер ток шоуто кое ви ја открива онаа естрадната, но и многу работи од помалку познатата страна на личноста на македонсата поп дива.