Очекувано и нормално дека еуфоријата по победата на Македонецот Никола Станишиќ во „Ѕвездите на Гранд“ полека спласнува. Арно ама, Никола веројатно сосема свесен дека тоа по правило е така, веднаш се фати за работа во студио.
Станишиќ на својот Инстаграм профил најавува нова песна и тоа дуетска со фолк пејачот Гоце Петрески кој живее и работи во Австралија, но секогаш со задоволство се враќа во родната Македонија.
-Оваа недела конечно излегува мојата нова песна, за мене е многу посебна пред се затоа што е дует со мојот омилен пејач Гоце Петрески, а потоа затоа што допира до секое срце. Едвај чекам да ја слушнете и видите!- пишва Никола во најавата.
Песната ќе биде промовирана со спот од кој младиот пејач објави сегмент.
View this post on Instagram
Фановите реагираа со коментари дека со нетрпение очекуваат да слушнат и видат што им подготвил Никола кој летово работеше на првата песна по победата во „Ѕвездите на Гранд“.
фото:Intagram printscreen/nikolastanisik
