Виолончелистот Стјепан Хаусер ги изненади своите следбеници со нови фотографии што ги објави на Инстаграм. Имено, тој позираше со атрактивната Марија од Украина, а поради белата облека што ја носеа двајцата — многумина заклучија дека тајно се венчале.
„Дали конечно го направија тоа?“, „Се венчаа?“, „Прекрасен пар“, „На крајот на краиштата, Марија е таа“, „Среќно“, „Нека ви биде вечна љубовта“, „Честитки, ви посакувам многу деца“ — коментарите под фотографиите беа наредени.
Хаусер претходно беше во врска со популарната пејачка Јелена Розга, а нивната љубовна приказна долго време ги полнеше насловните страници на регионалните медиуми. Тие беа еден од омилените парови на јавната сцена, и иако раскинаа, постојано нагласуваа дека останале во добри односи. Нивната врска продолжува да предизвикува јавен интерес, па многумина сега се прашуваа што би рекла Јелена на веста за можната свадба на нејзиното поранешно момче.
Сепак, веќе некое време се шпекулира дека Јелена е среќна во врската со Иван Хулиќ, како и дека Хаусер и Марија се во врска. Иако ниту Јелена, ниту Иван не зборуваа за нивната љубов, познатиот музичар неодамна проговори за атрактивната Украинка во интервју за Story.
-Марија е прекрасна личност, а јавноста имаше можност да ја запознае преку моите објави на Инстаграм. Ја разбирам љубопитноста на медиумите и луѓето, но сакам да го чувам приватниот живот за себе, рече тој тогаш.
Кога го прашаа дали планира да се смири и да застане на лудиот камен, тој одговори:
-Во моментов, кариерата ми е на прво место. Многу сум амбициозен, имам многу планови и проекти. Мојата светска турнеја и проектот „Музиката го обединува светот“ се мојот фокус сега. Никогаш не вели никогаш, но засега не ја најдов вистинската, истакна Хаусер.
Хаусер досега неколкупати ја иницираше приказната дека ќе се жени, фотографирајли се со разни девојки, но ниедна не беше таа – вистинската. А дали тоа се променило, останува да видиме.
фото:instagram printscreen/ hausercello
