Далечната 1974 година во Брајтон, шведската група АББА ја воодушеви цела Европа со песната „Ватерло“ и извојува убедлива победа на Евровизија.
Минатата година Евровизија се одржа во Малме, Шведска, а беше прославена и годишнината од нивната славна победа.
АББА е основана во 1972 година и ја сочинуваа Бјорн Улвеус, Бени Андерсон, Агнета Фелцки и Ани-Фрид Лингстад. По овој триумф групата доминираше на топ листите и цел свет ги пееше нивните песни.
Во средината на седумдесеттите и почетокот на осумдесеттите, нивните нумери беа најслушаните во светот.
Проценките за нивната продажба варираат помеѓу 370 и 500 милиони, така што АББА е втората најуспешна група во светот по Битлси. За нивната неверојатна популарност говори и фактот што во Австралија нивниот ТВ специјал од 1976 година имаше повеќе гледачи отколку емитувањето на слетувањето на Месечината, а дури 3,5 милиони Британци сакаа да купат билети за нивниот концерт во Ројал Алберт Хол во 1977 година. иако капацитетот на оваа сала е само 5000 седишта.
Најпознати хитови на групата АББА се „Mamma Mia“, „Dancing Queen“, „Money, money money“, „The winner take it all“ и многу други.
Сепак, членовите на овие бендови имаа тешка судбина.
Гитаристот на групата АББА, Лас Веландер, почина на 70-годишна возраст, по битка со ракот.
„Со неопислива тага мораме да ве информираме дека нашиот сакан Лес заспа. Лес неодамна се разболе од, како што се испостави, рак кој се раширил, и почина рано на Велики петок опкружен со најблиските“, напиша семејството на Фејсбук.
Тажна судбина го снајде и неговиот колега од бендот Бјорн Улвеус, кој боледува од деменција. Денес, наводно, едвај се сеќава на својата славна кариера.
Да потсетиме, Улвеус и Агнета, пејачката на бендот, се венчаа во 1971 година, а се разведоа во 1979 година и ги имаат децата Линда и Питер.
Таа тешко го поднесе разводот, и особено фактот што една година подоцна Бјорн се ожени со новинарката Лена, која и беше пријателка.
Агнета заврши на лекување и антидепресиви, по што се повлече од јавноста до тој степен што никој не знаеше каде е со години.
Во текот на деведесеттите, таа ги загуби и татко и и мајка, се омажи неколку пати, но секој брак и пропаѓаше.
фото: printskreen/YouTube
