Ѕвездената прашина се крева, затоа што е се поблиску финалето на седумнаесеттата сезона на најгледаната талент шоу програма на Балканот „Ѕвезде Гранда“.
Во претходните осум месеци на натпреварот се појавија голем број пејачи, но само најдобрите 20 заслужија да се најдат во полуфиналето кое ќе се емитува оваа сабота во 21 часот.
Ова ќе биде ноќ на одлуки што ќе ги промени животите на многумина, а само најдобрите од најдобрите ќе се пласираат во големото финале во сабота на 8 јуни.
Креативниот директор на „Гранд“ Саша Поповиќ не криеше дека оваа вечер е најтешка во неговата досегашна кариера бидејќи треба да одлучи кој ќе ја напушти конкуренцијата во полуфиналето.
– Во овие 20 години колку што работам на „Ѕвезде Гранда“, ова е најтешката вечер воопшто на ова натпреварување. Од овие единаесет што се зад мене, четворица за жал ќе ја напуштат конкуренцијата – изјави Саша Поповиќ.
Додека Саша ги изговараше овие зборови, членовите на жирито внимателно слушаа, а судејќи по изразите на лицето, имаше голема напнатост, но и неизвесност кај членовите на славната осумка.
Се чини дека особено емотивна беше Снежана Ѓуришиќ, која едвај ги задржа солзите додека чекаше да открие која од натпреварувачките се пласираше во полуфиналето.
Антонија Черкез, Петар Крекиќ, Бета Судар, Ријад Рахмановиќ, Мелиса Зијадиќ, Дејан Дачевиќ, Јелена Проле, Стефан Томиќ, Ѓула Дрини, Андријана Петрушовска, Сидик Шабановиќ, Дино Суљиќ, Шејла Петровиќ Јандура, Александриќ, Инел Нукиќ, Мики Секуловски и Николина Перковиќ оваа сабота се борат за пласман во финалето на „Ѕвезде Гранда“.
Да потсетиме, големото финале на 17-та сезона е закажано за в сабота, 8 јуни, кога ќе дознаеме кој од овогодинешните натпреварувачи ќе ја однесе титулата победник.
фото:You Tube printscreen/ Zvezde Granda
