Познатата актерка Анѓелка Прпиќ стекна огромна популарност кај регионалната публика како водителка на некогашната хит-емисија „48 часа свадба“, а деновиве во едно свое гостување се присети на тој специфичен период од нејзиниот професионален почеток.
Прпиќ тогаш искрено призна дека голем дел од нејзините колеги актери изрично биле против нејзината одлука да застане зад кормилото на тој телевизиски проект.
Таа се наврати на почетокот на кариерата и на сите добронамерни, но дестимулативни совети кои тогаш масовно ги добивала од околината:
„Ја работев емисијата ’48 часа свадба’ и тоа го правев едно лето. Сите колеги кои ме советуваа и ми мислеа добро, сите до еден беа против тоа. Ми велеа да не прифаќам, во фазон што ќе ми е тоа, дека тоа е обичен ‘треш’…“, раскажа актерката во емисијата „Амиџи шоу“.
И покрај сите интензивни притисоци и совети од естрадната околина, Анѓелка Прпиќ цврсто одлучила да го прифати овој предизвик бидејќи тој во себе носел силни спомени и традиција кои ги влечела директно од нејзиниот роден крај.
„Сепак, јас сум од Пожаревац, односно од едно село околу Пожаревац. Мене тој наш менталитет ми е запишан во ДНК-то, тоа како кај нас се слават свадбите, обичаите, музиката под шатор, играњето кола, Моравац, Влашко… Јас тоа немаше каде на друго место да го покажам, а знам совршено да ги играм сите до едно“, објасни таа.
Актерката потоа откри досега непознати и специфични детали за своето детство и прославите на кои редовно ја воделе нејзините родители.
„Го знам и Моравац, и Влашко, Ужичко, сè! Влашкото коло е сериозно кардио. На тие свадби на кои бев како клинка, бидејќи практично пораснав под шатор, сите слики од детството со мама и тато ми се токму од под шатор. Јас дури и ги прашував подоцна: ‘Дали ме водевте некаде на друго место, за што се работи овде?’ Ме водеше тато и на Маракана, тоа се некои убави спомени кои ги влечам со себе, да не кажам трауми“, на духовит начин додаде актерката.
На самиот крај, во свој препознатлив и хумористичен стил, таа пластично опиша како навистина изгледаат традиционалните народни веселби на кои пораснала.
„Кога ќе тргне тоа коло, тоа ‘цепа’ цели 20 минути без никаков престанок. Ќе почне Моравац, па Ужичко, па Влашко на самиот крај, кога веќе сите буквално ќе излипсаат од умор и само најсилните и најиздржливите успеваат да опстанат на нозе. Можеме и емисијата да ја завршиме така, зошто да не, ќе вежбаме малку“, заврши Анѓелка.
фото:Instagram printscreen/andjelkap
