Душко Тошиќ синоќа се појави на настапот на Јелена во друштво на ќерките Атина и Ника
Јелена Карлеуша синоќа настапи во познат локал во Белград, што воедно било и прво појавување на пејачката во јавноста, откако во јавноста се појавија нејзините фотографии од роденденската прослава, на која беше во друштво на поранешниот сопруг, Душко Тошиќ.
Душко се појави и на настапот на Јелена во друштво на нивните ќерки Атина и Ника. Со овој потег уште еднаш се потврди дека нивниот однос по разводот никогаш не бил подобар, но и дека поранешниот фудбалер ставил крај на својата врска со Нора Миловановиќ.
На почетокот од разговорот со тамошните медиуми, Јелена откри каква е природата на нејзиниот однос со поранешниот сопруг.
„Душко и јас сме во добри односи поради децата. Наскоро ни се наближува многу важен момент за секој родител, а тоа се 18 – тиот роденден на нашата Атина и 17. на нашата Ника. Тоа е поради децата, кои заслужуваат нивните родители да бидат во добри односи. Тоа е сè и ништо повеќе од тоа. Не се муваме“, рекла Јелена.
На констатацијата на новинарите дека на сите социјални мрежи сите навиваат Јелена и Душко да се помират, но и дека Нора раскинала со него бидејќи тие воспоставиле добри односи, поп-ѕвездата имала подготвен одговор:
„Како навиваат? Немој да ме зафркавате, кој навива? Ајде, ве молам. Баш ми е жал што Душко раскина со девојката. Баш ми е жал!“, одговорила Карлеуша.
View this post on Instagram
Таа истакнала и дека Душко не се противи на плаќањето на трошоците за претстојната прослава и дека „сега сè е во ред“.
„Душко е горд татко. Без разлика дали сме во добри односи или не, секогаш сум истакнувала дека е фантастичен татко и дека децата многу го сакаат. Никогаш не се доведувало во прашање дали тој ќе ја плати прославата. Може и мама, нема проблем“, рекла пејачката.
Foto: printscreen/instagram/megastarkarleusa
