Во постудено време од годината, луѓето се движат многу помалку и почнуваат да јадат повеќе од потребното.
Во овој период некои луѓе почесто избираат храна која не е добра за организмот и ја намалува енергијата.
Една од намирниците што многумина сакаат да ја јадат како ужина, е добар избор во текот на зимата. За Health Shots, нутриционистите ги издвоија кикириките како храна која е одлична здрава алтернатива за чоколадите, чипсот и сличните опции.
Кикириките се извор на здрави масти кои можат да ви помогнат да бидете енергични за време на постудените месеци. Овие масти го поддржуваат здравјето на срцето со намалување на нивото на лошиот холестерол.
За време на постудените месеци, кикириките се одлична ужина која ви дава повеќе енергија. Комбинацијата на здрави масти, протеини и влакна ве одржува активни и будни во текот на постудените денови.
Ладниот воздух може да ја направи кожата сува и без сјај, а кикириките исто така содржат ниацин или витамин Б3, кој и помага на кожата да остане хидрирана, блескава и здрава. Освен ниацин, кикириките содржат и витамин Е, кој помага во зајакнувањето на имунолошкиот систем.
Протеините и влакната во кикириките помагаат во регулирањето на нивото на шеќер во крвта. Ова го прави одлична закуска за луѓе кои имаат дијабетес или луѓе кои сакаат да одржат стабилно ниво на енергија во текот на денот.
Кикириките се добар извор на растителни влакна, кои го помагаат варењето и спречуваат запек.
Извор: Попара
