ТВ водителката, пејачка, писателка и професорка по музика Сузана Турунџиева, во неделата, на 9 Март 2025 наполни 56 години.
Роденденската забава ја прослави со нејзиниот хор, додека на социјалните мрежи ги сподели искрените желби меѓу кои ја сподели и честитката од помалата ќерка Матеа.
Така, освен колажот од спомени, таа на нејзината мајка за посебниот ден и напиша дека е најхрабрата жена која бесконечно ја сака.
На „Фејсбук“, Сузе сподели и дел од атмосферата со хорот за жени кој таа го основаше, а прославата била тематска – Фрида Кало.
Пријателките и подариле подароци со Фрида како и две големи торти и една мала пред кои водителката позирала со насмевка на лицето.
„За уште многу години! Вива ла вида, Вива ла музика“ – напиша Турунџиева покрај споделените фотографии на „Фејсбук“.
Пред шест години, Сузе стана баба на своето прво внуче, од нејзината ќерка Лора која роди машко дете, а оттогаш водителката само се подмладува.
фото: printskreen/instgaram/suzana_turundzieva
