Отворената, повеќе политичка отколку естрадна војна помеѓу ТВ водителот Богдан Илиевски алиас Бетмен велит и раперот Марко Маринковиќ познат како Слатакаристика добива нова карактеристика. Се повеќе заличува на „специјална сајбер војна“ со потсетување низ реплика, кој е кој и кој како се однесувал во дадена прилика.
Откако Слаткар го прозва Бетмен ставајќи го во стиховите на новата песна „Еуфорија“, обајцата отворија фронт на препукување кој не спаѓа само во сферата на естрадната езотерија, туку се’ повеќе заличуваа на сериозна закана да помине во “крвава бајка“, што искрено се надеваме дека нема да се случи.
Но, дека обвинувањата во кои Слаткар му го прилепи епитетот цинкарош (кодош) Бетмен сериозно го погодија и навредија, по личната затворска голгота што ја преживеа по познатите настани од 27 април, најдобро зборува неговата реакција дека за ваквото етикетирање, Марко ќе зажали, особено за стиховите: „Браќата ги пикна у затвор“, за кои му порача дека ќе му излезат низ чмар, на (ч)Марко, како што самиот го нарече!
Дека сето тоа не било кажано само онака, во мигови на лутина и нервоза, покажа денешната нова објава на Бетмен, на неговиот ФБ профил, на една стара рап песна, која своевремено можеби не доби вистински одек во јавноста, зашто тогаш некои други ја практикуваа власта. Оние на кои не им одговраа ваквите стихови, туку повеќе стиховите од „Отвореното писмо“ на Слаткаристика. Песна која тој ја објави на две недели пред референдумот за промена на името на Македонија во 2018 година, а видеото по смената на власта, „магично исчезна“ од Интернет просторот и Јутјуб каналот.
Но, затоа музичкиот одговор во вид на „Запечатено писмо“ од македонскиот рапер познат под уметничкото име Bizzy кој тогаш го заташкаа, сега однoвo исплива како „повторен поздрав“ од самиот изведувач, но овој пат добредојден за Богдан – Бетмен, кој тргна да го возвраќа ударот со музичка шлаканица која раперот Бизи на Слаткар оддамна му ја залепи… в лице!
„Еј, се врати на мрежите поздравот од Бизи за овој што сакал име да смени за да оди на грчка плажа. Значи ја раздвиживме музичката сцена! Прекрасно!
По отвореното, дојде и запечатеното писмо“ – споделил Богдан Илиевски на својот Фејсбук профил покрај песната на Бизи.
„Запечатеното писмо“ на Бизи во кое има и многу што лично, е директен одговор на „Отвореното писмо“ на Слаткаристика. Дали и колку има вистина во стиховите на младиот рапер во кои попознатиот колега „го прави пуздер“ од повеќе аспекти, нема да навлегуваме. Преслушајте ја траката, па самите извлечете заклучок со поука.
Но, деке овде не завршува возвратното „мило за драго“ на Бетмен Велит кон Слаткар е повеќе од извесно… Зашто „тешките зборови“ јавно изречени не се забораваат така лесно… Иако можеби би било најбезболно, наместо од сето ова да се оправи нова „Еуфорија“ истоимената песна како и „Отвореното писмо“, веднаш да исчезне и да замине на буништето на музичката историја, по што „воените секири“ би останале „закопани“!? Ама за тоа да заврши така, треба да се согласат двете засегнати страни!
Фото: Фејсбук/Богдан Илиевски/Instagram- slatkaristika.official/YouТube и Rumble – скриншот
Аудио и видео: YouТube и Rumble
