По кратко боледување на 47-годишна возраст почина Владица Миљковиќ, братот на познатата пејачка Вики Миљковиќ.
Владица живееше во Ниш, водеше приватен бизнис и беше најголемиот поддржувач на пејачката, а таа се прости од брата си и јавно:
-Никогаш не сакав да ги напишам овие зборови… Никогаш нема да разберам зошто најдобрите заминуваат прерано… Твојата музика, твојата сила, твојот дух – сето тоа резонира уште посилно сега кога те нема… Но, твојата љубов е вечна. Знаеш дека отсекогаш сум се грижела за тебе, како правиш и што ќе правиш… И каде и да одиш, има кој да се грижи за тебе, тато и мама, па ќе бидам малку посмирена. Гледајте нè одозгора, бидејќи вие сте таму некаде каде што нема болка, само љубов. Почивај во мир ангелу мој, стои во последното збогум на Вики.
Познати пријатели и колеги изразуваат сочувство, потресени од неговата загуба.
– Нека ти е лесна земјата Влајко и ти благодарам за насмевките – е една од трогателните пораки на неговите пријатели, додека друг пријател додал: – Господ да ти ја прости душата, мој голем пријателе – напишал еден од другарите на Владица.
Владица беше талентиран за музика, свиреше хармоника и сними неколку албуми.
Многумина му предвидуваа успешна кариера, а Вики повеќе пати потенцираше дека токму поради него се заљубила во музиката.
– Сите напори беа насочени кон музичкото образование на брат ми, тој одеше на разни натпревари, а сите ние како семејство го следевме, па јас бев во мрак. Денеска го разбирам татко ми, бидејќи не само што беше воспитувач, туку помина и многу во животот, па знаеше што подразбира оваа работа и сакаше да ме заштити – изјави еднаш Вики за Гранд.
фото:Instagram printscreen/viki_miljkovic/miljkovicvladica
