Младата пејачка Антониа Гиговска откри дека обожава тетоважи и одлучи пред следбениците на Инстаграм да каже колку точно ги има на број.
Пејачката редовно ги воодушевува нејзините обожаватели со одговори на нивните прашања, а сега ги изненади сите со бројката на тетоважи, која му ја откри на еден заинтересиран фан.
Како што е познато, таа многу се грижи за својот изглед, па покрај стилот, ѝ е важно да изгледа и како светски познатите ѕвезди кои обожаваат тетоважи.
Имено, таа сега потврди дека ги има 13 на број со што призна дека обожава да се црта по телото, но и на колку години се одлучила за тоа:
– Колку тетоважи имаш, и на колку години ја направи првата ? – беше прашањето кое привлече внимание.
„Тринаесет имам“ – напиша таа, и откри дека првата ја направила на 17 години.
Сепак, најпознати се оние три кои ги има на своето тело. На вратот, под градите и на рамото/раката. Тие на нејзините фотографии се најлесно виливи, а една од најзначајните е онаа на вратот со натпис „Бакни тука“.
Но, додека некои луѓе сакаат своите тетоважи да ги чуваат само за себе и да не бидат видливи за другите, други немаат никаков проблем да бидат забележани веднаш. Дури и кога нивните тетоважи се покриени, тие не се плашат да ги откријат, како што еднаш направи Антониа.
фото: printscreen/instаgram
