Според неофицијални информации до кои дошла „Слободна Далмација“, легендарниот музичар починал во болница во Сплит.
Пејачот е рекордер според бројот на продадени плочи и други музички носачи на звук во забавната музика во Хрватска, но и во целиот поранешен регион.
Со повеќе од 20 милиони продадени плочи во текот на 47-годишната музичка кариера, како и бројни музички и дискографски награди, тој е еден од најпознатите и најхаризматичните хрватски пејачи.
Кариерата ја започнал со преработки на странски хитови, а потоа продолжил со изразено емотивни песни, главно во типичен медитерански, далматински музички стил, како и со соработки со клапи.
Врвот на популарноста го достигнал во седумдесеттите и осумдесеттите години на 20 век, но и денес има бројна и верна публика.
Иако музичката критика повеќе ги цени неговите порани и помалку познати дела, популарноста ја стекнал со емотивните и забавни мелодии, меѓу кои се „Остала си увек иста“, „Сви пјевају ја не чујем“, „Ако ме оставиш“ и други.
Благодарение на популарноста, харизмата, бескомпромисните и често специфични ставови, како и музичките успеси, се стекнал со статус на легенда на хрватската музика.
фото:you tube printscreen/Mišo Kovač Official/Croatia Records
