Не за џабе рекле, „никогаш не вели никогаш“, зашто она што ти го носи животот, дава и нови видици, предизвици, искуства… Еден таков животен циклус на промени е добивањето дете и почетокот на тоа да наследниците бидат центарот на нашиот универзум.
Комплетно заштитнички настроени, ама и преплавени од неопислива љубов каква ниедна друга претходно. Љубов која најчесто сакаш да се гледа, да биде видена… е тогаш можби се случуваат и отстапките од она што си го правел или кажал некогаш.
Влатко Лозаноски стана татко минатиот октомври, а се’ до скоро тој ја креше од јавноста убавата вест. Арно ама кога синчето Марко е во паршање, Лозано почна да попушта.
Неодамна го видевме како во рацете го држи синчето и го покажа јавно, а сега како минуваат деновите, тато Влатко малку по малку почна да дозволува јавноста да ѕирне во приватноста и делумно да го види „шмекерот“ Марко.
Овој пат Лозано го поведе и малиот на настан во соседството, „Краљевски оскар“, каде ја доби наградата „поп изведувач на годината од Македонија“.
Чувството на убаво на душа беше уште послатко затоа што таму беше и синчето, па тато Лозано со една фотографија од ноџињата на бебенцето, откри дека денот бил уште поубав со него.
Инаку, Лозано неодамна наполни 40 години. Тој се уште не открил која е партнерката што му роди дете.
фото:Instagram printscreen/vlatkolozanoski
