Лила Филиповска е активна на социјалната мрежа Инстаграм каде споделува моменти од приватниот живот, патувањата и работата, а со тоа привлекува внимание кај сите кои ја следат.
Водителката без сомнение обожава да се фотографира, па е подготвена во било кој момент од денот да застане пред камерата, но и да се снајде ако случајно се затече во незгодно, како и овој пат.
Имено, деновиве времето е непредвидливо, ту врне ту не врне, па токму поради тоа Лила се најде во небрано на отворено.
Водителката додаде еден интересен детаљ на главата и докажа дека не му се плаши на дождот.
Можеби во живо случајните минувачи баш и не ја препознаа, но затоа Лила сподели пред јавноста, дека навистина била таа.
Ако имаше и такви кои не беа сигурни, потврдата стигна на кратката приказна, јасно и гласно лично од Лила, со фотографија на која покажа што направила, за да се заштите и кога ќе ви заврне, а чадор со себе не носите.
Имиџот дури и на врнежлив ден не смее да трпи, па затоа Лила, за секој случај се обиде колку – толку да се заштити со кеса која за среќа не беше хартиена, туку пластична.
Лила додаде и емотикон кој плаче од смеење со кој навистина успеа да ги насмее и нејзините следбеници, кои веројатно ја преплавиле со реакции.
фото: print Screen/Instagram/lilafilipovska
