Музичката ѕвезда Лепа Брена се бори со тромбоза веќе 18 години. Иако ја држи состојбата под контрола благодарение на редовната терапија, пејачката е свесна дека напорните концерти и честите патувања со авион можат да ја влошат болеста.
Како што објави Свет, таа неодамна му признала на својот сопруг Боба Живојиновиќ дека се чувствува исцрпено и дека повеќе нема енергија како порано, по што тој веднаш реагирал и инсистирал таа да посети лекар.
Наводно, веднаш го повикал докторот кој ја оперирал и ѝ закажал преглед.
– Боба ѝ рекол дека не може да чека ниту еден ден и дека мора што поскоро да оди на преглед, бидејќи не може да поднесе нешто да ѝ се случи. Свесен е дека тромбозата е опасна болест и дека досега успеал да ја држи под контрола, но тоа е и подмолна болест. Нов тромб може да се формира за секунда и да предизвика хаос – открива извор близок до Живојиновиќ.
Инаку, Брена првпат се соочила со тромбоза пред 18 години. За време на еден настап, раката ѝ посинила и почнала да трне. Лекарите потоа откриле дека нејзината главна вена е запушена, и поради тоа, не ѝ било дозволено да лета некое време.
Ѝ беа дадени апчиња за разредување на крвта што мора да ги зема секој ден, а пред осум години беше во болница во Дедиње кога се пукна тој згрутчок на крв. Лекарите во тоа време ја предупредија дека мора да избегнува стрес и исцрпеност, и таа сè уште прави големи концерти како што правеше пред 30 години кога беше во полна сила.
– Ја надминав првата тромбоза одамна, но потоа продолжив напорно да работам. Фактот дека болеста се повтори е сериозен аларм. Живеам под речиси постојана напнатост и сè што се случува на работа или во моето семејство го доживувам премногу емоционално. Мојата воена дисциплина и перфекционизам имаат деструктивен ефект врз мене. Ми се чини дека никогаш не сум знаела како целосно да се одморам од моите обврски. Главниот проблем е што, дури и кога одам на одмор, премногу размислувам. Ова ментално преоптоварување може да ја врати болеста – објасни Брена за својата здравствена состојба.
фото: instagram printscren/ lepabrenaa
