Добро е познато дека индустријата за забава не штеди пари кога станува збор за музички проекти. Ова го потврди Анабела Атијас, која неодамна се потсети на моментите кога таа и Гаги снимаа видеа за нејзината група „Funky G“(Фанки Џи). Еден од режисерите на видеата зборуваше за тоа како „Funky G“ трошел огромни суми пари на видеа, а пејачката ја потврди оваа приказна.
– Плативме многу за тие видеа, тоа е вистина. Во тоа време, секое видео нè чинеше исто колку стан во Белград. Трите видеа за кои знам дека плативме многу се видеата за песните „Легенда“, „Дала бих све“ и „Буди ту“. Навистина не можам да се сетам на точната сума сега, но беше како стан во Белград. Тие видеа се составени од некои анимации, кои чинеа многу во тоа време. Луна и Адам се во видеото за песната „Легенда“ и, кога ќе видите колку е млада Луна во тоа видео, јасно е зошто не можам да се сетам на точната сума – изјави Анабела за Курир.
Да потсетиме дека Анабела ја започна својата кариера во 1990-тите во групата Фанки Џи со нејзиниот тогашен сопруг Гаги Џогани. Тие постигнаа голем успех со песната „Само у сноу“, а подоцна и многу други хитови.
Foto: print screen/Instagram/anabelci
