Јелена Ѓоковиќ со години е посветена на темата родителство за која зборува на многу настани и панели. Таа е личност која е отворена за нејзините методи на воспитување деца, истакнувајќи дека никогаш не положила рака врз сопствените деца.
Сопругата на Новак Ѓоковиќ во неколку наврати истакна дека се случува нејзините деца да ја „воспитуваат“ и да и помогнат да ги согледа грешките и да расте како личност.
Најдобриот тенисер на сите времиња е во среќен и хармоничен брак со сопругата Јелена со која има две деца Стефан и Тара.
Таа често со родителите ги споделува методите кои и помагаат да ги воспитува своите наследници, а како што истакна, иако родителите ја тепале, таа никогаш не кревала рака на своите деца.
– Стефан и Тара ме воспитуваат и ме превоспитуваат уште од првиот ден. Јас не ги воспитувам. Заради нив сум свесна колку треба уште да пораснам и ги гледам моите грешки, тие ми покажуваат дека повеќе не можам да мислам дека знам подобро од нив. Толку се чисти, без грешки, без предрасуди, со таква живост и невиност одат во светот. Постојано ни велат да не бидеме наивни. Но, токму такви треба да бидеме. Отворено, без очекувања. Тоа го учам од моите деца – рече таа. Рекла дека никогаш нема да очекува ништо од своите деца и дека секогаш ќе им кажува на своите деца дека се најдобри.
– На моите деца секогаш ќе им велам: “Ма, вие сте најдобри! Не ви треба ништо повеќе!” – додаде таа.
– Моите деца се првата генерација деца кои никогаш не биле тепани. Ги добивав од моите родители, мајка ми пред мене, татко ми, баба ми и дедо ми, Новакови исто така. Стефан и Тара се првата генерација и тоа што на грешките и погрешното толкување на емоциите не одговараме со насилство, верувам дека навистина ќе го промени светот. Сметам дека тоа е голем квантен скок во менувањето на историјата и иднината – изјави тогаш Јелена.
фото: printscreen/instagram
