Балканската ѕвезда Лепа Брена верува дека е во најдобрите години, а за да биде здрава и фит, воведе неколку промени во исхраната.
Музичката ѕвезда неодамна настапи на Златар, каде со своите песни го отвори локалниот фестивал и откри зошто не оди почесто на планина, но и како се храни.
– Многу ја сакам планината. Кога децата беа мали, многу повеќе одевме на планина, скијавме поради нив, имавме многу поактивен спортски живот. Сега овој наш живот се претвори во бизнис и шоубизнис. Но, морам да констатирам дека дури сега ми се чини дека уживам на вистински начин, бидејќи не размислувам дали децата имаат температура, дали јаделе, дали ја завршиле домашната задача… Тоа е период кога едноставно уживам. Секогаш си велам дека ова се моите најдобри години – вели Брена.
Најпрво заради здравјето, а потоа и поради витката линија, музичката ѕвезда во последните години значително ја коригира исхраната.
– Навистина сум љубител на добрата храна, но научив да се грижам за количините. Одамна престанав да јадам суво месо. Пред десет години престанав да јадам по четири часа. Случајно прочитав за автофагија и кога ќе го навикнеш телото на тој систем и начин на живот, тоа е како да имаш резервоар од 100 литри и да не точиш 120 литри затоа што не може. Човек мора да се грижи за своето здравје бидејќи тоа влијае и на нашата психа и на нашиот емотивен живот. Сите сакаме да се чувствуваме фит и да изгледаме убаво, затоа што денес е многу важно да се сакаш себеси и да изгледаш убаво прво на себе, па дури потоа на другите – заклучила пејачката за „Макс прес“.
фото: print Screen/instagram/lepabrenaqueen
