Сцената на регионалното музичко шоу „Никогаш не е доцна“ повторно заблеска во македонски сјај, но овој пат настапот на нашата претставничка предизвика вистинска бура од реакции и остра дебата меѓу членовите на жирито.
Русокосата надежна пејачка Емилија Ристовска (40) од Кавадарци ги освои симпатиите на милионскиот аудиториум уште со самото стапнување под рефлекторите, појавувајќи се во долг, елегантен зелен фустан кој совршено ја истакна нејзината грациозност и раскошен шарм.
Пред гордите погледи на нејзиниот сопруг, синот и ќерката кои ја бодреа од публиката, Емилија храбро посегна по исклучително тешката балада на Шемса Суљаковиќ, „Јави се, отерај тугу“.
Иако силната трема во првите секунди си го направи своето, таа јуначки го истурка настапот до самиот крај, што веднаш го отвори фронтот на мислења кај стручниот тим.
Претседателот на жирито, Саша Милошевиќ Маре, сликовито ја посочи несигурноста во гласот, порачувајќи дека нејзината песна за вечерта би требало да гласи „Јави се, отерај ми трему“, но веднаш потоа ја охрабри дека на следниот настап ќе биде двојно подобра. Со неговата анализа се сложи и Енес Беговиќ, но тогаш следуваше неочекуван пресврт.
Популарната фолк-ѕвезда Рада Манојловиќ отворено се спротивстави на колегите и застана во цврста одбрана на Македонката.
Таа нагласи дека жирито било престрого и дека специфичната боја на гласот и искрената емоција што ги донела Емилија се на врвно ниво. За самата кандидатка, пак, ова појавување претставува остварување на животниот сон.
По емисијата, таа емотивно се огласи на социјалните мрежи, откривајќи дека зад оваа нејзина храбра одлука стои жената што ја сака како втора мајка и нејзината ќерка, кои тајно ја пријавиле и трпеливо чекале таа да ја достигне вистинската возраст за ова шоу, верувајќи дека ќе стигне до самото финале.
фото: You tube printscreen/Nikad nije kasno
