Светски познатиот гитарски квартет „40 Fingers“ ќе настапи во Скопје на 9-ти февруари во рамките на својата европска турнеја, објави „Пасворд продукција“, опишувајќи ја групата како глобален феномен. Концертот ќе се одржи во Македонската филхармонијата.
Квартетот основан во 2017 го сочинуваат четворица италијански гитаристи кои свират на инструментите директно со прсти. Позната по својот иновативен звук, групата има разновиден репертоар, од оригинални песни до обработки, од хард рок до класика.
40 FINGERS ги освоија срцата на преку 100 милиони обожаватели на интернет, претставувајќи возбудлив микс на класична елеганција и рок динамика со неспоредлива енергија во живо. Нивниот уметнички талент доведе до соработки со легенди како Андреа Бочели и Енди Самерс од The Police.
Впуштете се во соничното патување со 40 FINGERS, каде рок рифовите и класичните хармонии се спојуваат на спектакуларен начин – од AC/DC до Вивалди, тие опфаќаат различни светови со секоја изведба. Четири гитари, еден хипнотизирачки грув.
