За да направите вкусен десерт, потребни ви се само две состојки. Тоа го потврдува и рецептот за оваа торта со чоколадо и јајца.
Оваа чоколадна торта е тенка, но исклучително сочна. Ќе ги воодушеви сите љубители на едноставни рецепти кои не можат да му одолеат на чоколадото.
Состојки:
• 260 грама квалитетно чоколадо;
• 4 јајца.
Подготовка:
1. Загрејте ја рерната на 160 степени Целзиусови. Подгответе калап за торта со дијаметар од 16 сантиметри, намачкајте го внатре или обложете го со хартија за печење. Калапот ставете го настрана.
2. Растопете го чоколадото. Ќе ви биде полесно ако чоколадните коцки ги исечкате на помали парчиња. Чоколадото можете да го растопите на пареа или во микробранова печка.
3. Внимателно одвојте ги белките од жолчките. Изматете ги белките додека не се стегнат.
4. Кога чоколадото малку ќе се излади, во него измешајте ги жолчките. Брзо мешајте додека состојките не се соединат.
5. Една третина од „снегот“ внимателно измешајте ја во чоколадниот крем. Постапката повторете ја додека не ги измешате сите состојки.
6. Добиената смеса сипете ја во подготвениот калап и печете во загреана рерна 22 до 28 минути или додека не се испече.
7. Оставете го колачот целосно да се излади пред да го исечете и послужите.
Добар апетит!
извор:tocka
фото:Freepik
