Во најновото издание на популарното шоу „Цеца шоу“, кое го води најголемата балканска ѕвезда Цеца Ражнатовиќ, гледачите имаа можност да уживаат во одлична атмосфера и искрени разговори.
Цеца го угости познатиот композитор Горан Ратковиќ Рале во своето студио, како и пејачите Маја Беровиќ и Зоран Миќановиќ. Маја Беровиќ зборуваше сосема искрено, без влакна на јазикот, за нејзиниот брак, љубомората, но и за врската со колегите од естрадата.
Кога ја прашаа за нејзиниот љубовен живот и врската со нејзиниот сопруг Ален, Маја призна дека никогаш немала докази за неверство, но оставила момент на мистерија.
– Никогаш не дознав дали моите партнери ме изневерувале. Ален е фин, не знам што е кога не го гледам. Ќе чуете ако има нешто- духовито рече Маја.
Разговорот набрзо се сврте кон темата за посесивност во врските, а пејачката призна дека може да биде сурова и љубоморна кога станува збор за она што ѝ припаѓа, па во еден момент на шега ја разоткри Цеца.
– Кога ќе размислам за тоа, можеби сум посесивна. Не го давам моето. Ние сме пријатели, тоа е сè. Ја имам песната „Љубомора“. Каде што има љубов, има и љубомора. И ти си, молчи! Те познавам – ѝ рече Маја на Цеца, сосема опуштена во разговорот и темата.
фото:Instagram printscreen/mayaberovicofficial
