Џордан прво уживаше во Јадранското Море, ги искуси Хрватска и Црна Гора, а своето патување го заврши во Грција.
Во Грција, Џордан го промовираше својот бренд со неколку ѕвезди од НБА, како што се Лука Дончиќ и Зајон Вилијамсон, а за време на престојот во оваа земја ја покажа и својата дарежливост.
Имено, за време на едно излегување во ресторан во Атина, Џордан им дал огромна сума пари на сите вработени поради готвачот кој подготвил очигледно одлична вечера.
👀🇬🇷 Michael Jordan hosted an exclusive Jordan Brand dinner in Athens, Greece, with many celebrities invited, including Luka Dončić and Rui Hachimura.
( 📸 Via Greek Boys ) pic.twitter.com/3CtGKKrVgC
— Eurohoops (@Eurohoopsnet) July 13, 2025
Менито главно се базирало на морска храна и традиционални грчки вкусови, а Џордан бил воодушевен и оставил бакшиш од 10.000 евра, пишува „Jurohoops“.
За време на вечерата, Џордан одржал трогателен говор, во кој зборувал со пофалби за Грција.
„Грција е земјата на античките богови, каде што се родени легендарни херои и каде што концептот на величина првпат се обликувал. Во овој клучен момент за иднината на брендот Џордан, црпевме инспирација од оваа извонредна земја“, рече Џордан.
Покрај гореспоменатите Дончиќ и Вилијамсон, Паоло Банкеро, Бем Адебајо, Хаиме Хакес, Брус Браун, Руи Хачимура, како и живите легенди на НБА Кармело Ентони, Ричард „Рип“ Хамилтон и Мајк Биби го промовираа својот бренд со Џордан во Грција.
фото:Printscren Instagram/ michael_jordann_ X/Eurohoops
