Популарниот пејач на народна музика го објавил својот прв албум уште во далечната 1982 година, но вкусот на првата популарност Миле Китиќ го почувствувал дури неколку години подоцна.
Имено, денес еден од најпопуларните фолк-пејачи меѓу дијаспората, пресвртница во кариерата доживеал кога станал дел од продукциската куќа „Јужен ветар“. Сепак, иако сите го знаат како Миле, тоа не е неговото вистинско име.
Неговата ќерка Елена неодамна објави еден негов документ и го откри вистинското име на својот татко. Во неговите документи, поточно во еден американски документ, пишува „Милојко Китиќ“, што е неговото вистинско име.
Да потсетиме, пејачот Миле Китиќ е роден во село во Босна и Херцеговина. Неговите родители се занимавале со земјоделство, а семејството живеело во голема сиромаштија.
„Роден сум во селото Доњи Церани, во земјоделско семејство. Бевме петмина. Не кријам дека му помагав на семејството, чував добиток, сето тоа го работев покрај одењето на училиште, но тоа беше нормално“, изјавил Миле.
Миле е дел од естрадата повеќе од 50 години, а со долгогодишната работа успеал добро да заработи и да заштеди.
Голем дел од парите ги вложил во недвижности, а неодамна се преселил во вила на Авала, за која се шпекулира дека вреди околу 500.000 евра.
Foto: Instagram/elenakitić
