Пејачката Александра Младеновиќ изјави дека момците ја бркаат од сите страни, но ниту еден од нив не е достоен за нејзино внимание, поради што таа е сè уште слободна.
Александра Младеновиќ го прослави својот 31-ви роденден пред два дена, а за настанот објави на својот Инстаграм споделувајќи провокативна фотографија со торта.
Иако бележи успех на деловниот план, пејачката сепак нема среќа во љубовта. По врската со Дарко Добричанин, кого последен пат го претстави во јавноста, фолк пејачката е слободна, иако, како што вели самата, никогаш не изгледала подобро.
– Стигнав до фаза во мојот живот каде што изгледам подобро од кога било досега. Нема да бидам скромна и ќе кажам дека сега сум целосно задоволна од мојот изглед.
Ослабев и конечно ја добив фигурата совршена! Сега не можам да си најдам маана и мислам дека најважно е човекот да биде среќен со себе и да се чувствува добро во сопствената кожа.
– Не сакам да ја повторувам приказната што ја раскажуваат сите мои колеги и да велат дека поради премногу работа немам време за љубов. Секако дека можам да најдам време, но вистинскиот маж сè уште не се појавил. Имам многу додворувачи кои се обидуваат да ме освојат, но никој не е достоен за моето внимание… Момците ми испраќаат цвеќе на концерти, еден таксист неодамна ме почасти … Сепак, сè уште не ми се допаднал ниту еден од нив. Кога тоа ќе се промени, сигурно нема да го кријам – рече Александра Младеновиќ.
Потоа додаде дека сака маж покрај себе кој ќе ја направи да се чувствува среќна, заштитена и сакана, и кој нема да прави компромиси ниту да се задоволува со помалку.
– Сакам вистински маж и стабилна љубов. Имам одличен пример во моето семејство бидејќи моите родители се во брак речиси 40 години, а мојот брат е исто така оженет и има две деца – истакна Александра.
Да се потсетиме дека Александра Младеновиќ еднаш зборуваше за своето детство и растење, а во таа пригода рече дека морала да копа пченка и да го ора полето, што е незамисливо за многу луѓе денес.
фото: print Screen/Instagram
