Ќерката на пејачката Цеца Ражнатовиќ, Анастасија Ражнатовиќ и фудбалерот Немања Гудељ на 28. Maj 2024 година склучија граѓански брак во вилата на Дедиње, а на церемонијата присуствуваа само нивните семејства и најблиските пријатели.
Кум на Анастасија беше нејзиниот најдобар пријател Љубомир Тозев, а кум на Немања неговиот долгогодишен пријател Горан Телебак.
Невестата блескаше во бел елегантен фустан, додека младоженецот беше во лежерно издание.
Братот на Анастасија, Вељко Ражнатовиќ, на својот профил на Инстаграм објави фотографија со својата сестра и зетот Немања, а јавноста имаше можност да види како изгледале младенците.
View this post on Instagram
Она што особено привлече внимание е трпезаријата во која се организирал и свечениот ручек. Од фотографиите се гледа дека семејството Ражнатовиќ не штедело на менито, па на трпезата имало печено свинско месо, раженчиња, салати, помфрит и други јадења.
Покрај сликата со младенците, Вељко како горд брат објавил и фотографија со баба му и дедо му кои пристигнале од Житораѓа, родното место на Цеца. На масата се гледа и дека гостите користат златен есцајг и пијат од кристални чаши.
Инаку, Анастасија открила и како започнала нејзината љубовна приказна со Немања.
– Се запознавме преку пријатели, „кликнавме“ уште на почетокот. Кај него сè ми се допаѓа, засега сè е во ред – рекла Анастасија за „Блиц“, без да открива премногу детали.
– И двајцата сме јавни личности, јасно ни е што ги интересира медиумите, нормално го прифаќаме тој факт. Тој не е љубоморен, нема причина да биде. Притисоци сигурно ќе има, но ако нешто е во ред, ништо не може да го уништи тоа – истакнала таа.
Според наводите на „Блиц“, Немања веднаш по венчавката отишол на тренинг.
Фото: printskrin/instagram
