Марија Шерифовиќ на својот Инстаграм профил објави многу емотивна и силна порака. Со пораката објави и две фотографии.
На едната кога била мала и на втората на која го држи во раце својот син Марио кога беше бебе.
– За малата Марија, Божиќ беше ден кога вратите од домот беа отворени, а родителите беа секогаш таму. Ден кога подароците беа едноставни, но полни со љубов – нови пижами, меки чорапи и секој подарок со насмевка. Денот кога мајката подготвуваше храна како од соништата. Ден кога зборовите беа тивки, а расправиите беа непознати. Ден кога владееше мир во домот. Ден во кој единствената вистинска сила беше љубовта. За мајката Марија, Божиќ е ден кога времето запира, ден кога не се работи. Минатиот Божиќ Марио имаше само еден месец, а јас тивко се молев на Бога да ги играм сите улоги што ми ги носи животот со љубов и мудрост. И сега, додека гледам наназад, со гордост можам да кажам дека ја прифатив секоја лекција и ја надминав секоја промена, посилна и помудра отколку што мислев дека ќе бидам. Всушност, ми се чини дека најважно од се е да се однесуваме како денес, секој ден. Да сакаш и да се плашиш подеднакво, да простуваш и да сонуваш подеднакво. Да се биде тивок и полн со зборови. Да се биде храбар и полн со сочувство. Единствено тоа е спас – секој ден, како денес! Мир Божји. Христос се роди, напиша пејачката.
View this post on Instagram
