Катарина и Љуба Перуќица гостуваа кај Огњен Амиџиќ, каде што отворено зборуваа за своите почетоци, довербата и семејниот живот. Нивната приказна за тоа како се запознале случајно, додека на Катарина ѝ требало материјал за емисија, ги насмеа сите присутни.
Темата „како Љуба и Катарина ја започнаа својата приказна“ предизвика многу внимание, особено меѓу фановите.
Сепак, најголемо внимание во јавноста предизвика признанието на Љуба Перуќица, во кое наведува дека ја изневерил тогашната девојка и колешка Александра Пријовиќ.
– Кога последен пат ја излажа саканата личност и зошто? – гласеше прашањето за Љуба Перуќица.
– Каде смеам да излажам? Би загинал веднаш. Таа е шкорпија, не смеам да излажам. Сега ѝ беше роденден, ѝ купив чанта.
Дали е вистина дека ја изневери Пријовиќ? – гласеше прашањето за Перуќица.
– Сум ја изневерил, имав 23 години. Се покајав, кај мене нема скриени карти, имаше такво нешто, бев млад и луд. Кога имав 23, 24 години бев блесав, сега ќе наполнам 37 – рече Љуба, а неговата сопруга се пошегува на негова сметка.
– Сега е чесен до првата прилика – порача Катарина.
Катарина откри дека средбата со Љуба била целосно непланирана. Потребен ѝ бил материјал за емисија, а токму тогаш го запознала својот сегашен сопруг. Љуба, со шега, се надоврза дека тогаш станал „материјал“ за емисија, истакнувајќи колку долго се заедно. „Ние сме 10 години заедно, а седум години во брак“, рече Перуќица. Огњен Амиџиќ се нашали со прашањето дали емисијата успеала, на што Катарина духовито одговори: „Па еве гледаш, 10 години“.
Внатре во разговорот, парот зборуваше за довербата во врската и сподели детали за тоа како се снаоѓаат во секојдневните ситуации со децата. Љуба истакна дека тој ја има шифрата од телефонот на Катарина, но никогаш немал потреба да го проверува нејзиниот телефон. Катарина објасни дека, доколку би почувствувала потреба да го проверува неговиот телефон, тоа би значело дека не му верува. „Нема да верувате, никогаш не сум му го земала телефонот“, рече Катарина.
Парот искрено зборуваше за предизвиците што ги имаат со децата. Катарина нагласи дека нејзиниот сопруг е добар човек, но дека тој ден во емисијата дошле нервозни поради ситуацијата дома. Љуба објасни дека со ќерката можат лесно да се договорат, додека со синот често имаат предизвици, особено околу јадењето.
„Ќеркичката сè сака, секогаш може за договор. А со синот е фрка, мора да биде како што тој замислил“, призна Перуќица. Катарина раскажа дека нивниот син тешко поднесува кога таа мора да ја напушти куќата. Љуба ја опиша ситуацијата кога синот плачел 15 минути бидејќи сакал мама да остане дома.
фото:Instagram printscreen/amigshow
