Наследничката на Соња и Јохан Трачуловски, младата и убавата пејачка Мелани гордо чекори по стапките на нејзината мајка покажувајќи дека се подобро и посигурно плива во естрадно – музичките води.
Деновиве синооката убавица во етерот промовираше нова песна и видеозапис за истата, која носи мошне загадочен наслов – „Шах-Мат“. Интересно е тоа што самата пејачката се потпишува како комплетен кантавтор на оваа мелодија, вклучувајќи ги и музиката и текстот на песната.
Музички, се работи за современа поп песна, спакувана во ар ен би ритам, со заразен рефрен кој се повторува и лесно влегува во уво, со потенцијал бргу да стне летен на хит во зависност од тоа колку ќе ја вртат радиостаниците. Битот, аранжманот, миксот и мастерингот ги потпишува Andrej Nik.
Особено впечатливи се стиховите кои имаат доволно провокативна конотација, чија содржината јасно кажува дека Мелани не трпи измами… Секој прв обид ќе ви биде и последен пат, зашто пејачката веднаш влече потег и добиваш – „Шах – Мат“… таков и е карактерот, барем така вели приказната во песната.
Песната е визуелизирана со едноставно, но доволно ефектно, впечатливо и пред се’ функционално видео во кое самата пејачка ја води играта и ја има главната улога. Латентна провокација и евидентна доминација… Па, „кој му стиска“ нека проба да биде „неартикулиран“ пред да биде „матиран“!
Изработката на видето комплетно ја потпишува Solution plus studio, зад која стои проверениот видеомејкер – Billy D.
Потсетуваме, Мелани е најстара ќерка на Соња и Јохан Тарчуловски, кои покрај неа го имаат и синот Младен, како и ќерката Јоана која ова лето наполни 10 години.
Како звучи и изгледа Мелани во нејзинат најнова музичка креација насловена „Шах-Мат“, прослете од видеото во продолжение…
